കെയ്റോ: ഈജിപ്ത് മുൻ പ്രസിഡൻറും മുസ്ലിം ബ്രദർഹുഡ് നേതാവുമായ മുഹമ്മദ് മുർസി(67) അന്തരിച്ചു. തനിക്കെതിരായ കേസുകളുടെ വിചാരണയ്ക്കിടെ കോടതിയിൽ കുഴഞ്ഞുവീണായിരുന്നു അന്ത്യം.
മൂന്ന് പതിറ്റാണ്ട് നീണ്ട ഹുസ്നി മുബാറക് ഭരണത്തിന് അന്ത്യം കുറിച്ച് നടന്ന 2011ലെ അറബ് വസന്തത്തെതുടർന്ന് ജനാധിപത്യപരമായി തെരഞ്ഞെടുക്കപ്പെട്ട മുർസി ഒരു വർഷക്കാലമാണ് ഈജിപ്തിൻെറ പ്രസിഡൻഡായിരുന്നത്. തുടർന്ന് നടന്ന പട്ടാള അട്ടിമറിയിലൂടെ സ്ഥാന ഭ്രഷ്ടനാക്കപ്പെട്ട മുർസി നിരന്തരമായ കോടതി വിചാരണകളെ നേരിടുകയായിരുന്നു.
തിങ്കളാഴ്ച കോടതി നടപടികൾക്കിടെ കുഴഞ്ഞുവീണ് മരിക്കുകയായിരുന്നുവെന്ന് പ്രാദേശിക മാധ്യമങ്ങളെ ഉദ്ധരിച്ച് വാർത്താ ഏജൻസികൾ റിപ്പോർട്ട് ചെയ്യുന്നു.
