Home / ചരിത്രം

ചരിത്രം

പ്രവാചകത്വ പരിസമാപ്തി

ഭൂമുഖത്ത് മനുഷ്യവാസവും പ്രവാചകനിയോഗവും സമാരംഭിക്കുന്നത് ഒരേ ദിവസംതന്നെയാണ്. ആദ്യത്തെ മനുഷ്യന്‍ ആദ്യത്തെ പ്രവാചകനുമായിരുന്നു. ജീവിതത്തിനാവശ്യമായ ദൈവിക നിര്‍ദേശങ്ങളും വിധിവിലക്കുകളും ദൈവത്തിന്റെ മഹോന്നത സൃഷ്ടിക്ക് എത്തിച്ചുകൊടുക്കുകയാണ് പ്രവാചകന്‍മാരുടെ ദൗത്യം.മനുഷ്യസമൂഹങ്ങള്‍ പ്രവാചക നിയോഗമില്ലാതെ കഴിഞ്ഞുപോയിട്ടില്ല. മനുഷ്യവര്‍ഗം പരസ്പര ബന്ധമില്ലാത്ത ഒറ്റപ്പെട്ട ഗോത്രങ്ങളായി ജീവിച്ച കാലഘട്ടങ്ങളില്‍ ആഗതരായ പ്രവാചകന്‍മാര്‍ അതതുഗോത്രങ്ങളില്‍ ഒതുങ്ങിനിന്നാണ് പ്രവര്‍ത്തിച്ചിരുന്നത്.ക്രിസ്തുവിനു ശേഷം ലോകജനത സാംസ്‌കാരികമായി വളര്‍ച്ച പ്രാപിക്കുകയും പരസ്പരം അടുക്കാനും ബന്ധപ്പെടാനും സൗകര്യങ്ങള്‍ വര്‍ധിക്കുകയും ചെയ്തു. അതോടെ മുഴുലോകത്തേക്കും സര്‍വജനതക്കുമായി ഒരു …

Read More »

ഇസ്‌ലാമിക ചരിത്രത്തിന്റെ വ്യതിരിക്തത

സ്വന്തം ഗോത്രമഹിമയെക്കുറിച്ച്  ഏറ്റവുമധികം അഭിമാനിച്ചിരുന്ന ജനതയായിരുന്നു അറബികള്‍. വിവിധഗോത്രങ്ങളുടെ വംശാവലിയും പരസ്പരമുള്ള മാത്സര്യങ്ങളും വിവരിക്കുന്ന ആഖ്യാനങ്ങള്‍ അറബ്‌സമൂഹത്തില്‍ എഴുത്തുംവായനയും സര്‍വസാധാരണല്ലാതിരുന്നിട്ടുപോലും കവിതാ-കഥാ രൂപത്തില്‍ നിലനിന്നിരുന്നു. പേര്‍ഷ്യന്‍ -ഗ്രീക്ക് ശൈലികളുടെ സ്വാധീനമേതുമില്ലാതെ തികച്ചും സ്വതന്ത്രമായിരുന്നു അവയെല്ലാം. അറബ് സൈനികനീക്കങ്ങളുണ്ടായിരുന്ന ഘട്ടത്തില്‍ സ്വാധീനംചെലുത്താന്‍ കഴിയുമാറ് ശക്തമായ ചരിത്രരചനകളൊന്നും പേര്‍ഷ്യയിലുണ്ടായിരുന്നില്ലെന്ന് ബര്‍ണാഡ് ലൂയിസ് കുറിക്കുന്നുണ്ട്. ക്രൈസ്തവ ചരിത്രലേഖാലയങ്ങളും പുരാണലിഖിതങ്ങളും പ്രഥമമായി ഉപയോഗപ്പെടുത്തിയ ആദ്യചരിത്രകാരന്‍ ഒരുപക്ഷേ ഹിശാമുബ്‌നു കല്‍ബിയാവാം. അറബ് വംശാവലിയെക്കുറിച്ച പഠനത്തിനു വേണ്ടിയായിരുന്നു പ്രസ്തുത …

Read More »

ഏഴാം കുരിശുയുദ്ധം(1245-1290)

പലവട്ടം കൈവശപ്പെടുത്തിയെങ്കിലും 1244-ല്‍ ബൈത്തുല്‍ മഖ്ദിസ് മുസ്‌ലിംകളുടെ കയ്യിലേക്ക് തിരികെയെത്തിയത് ക്രൈസ്തവലോകത്തിന് ഇഷ്ടപ്പെട്ടില്ല.തൊട്ടടുത്ത വര്‍ഷം പോപ്പ് ഇന്നസെന്റ് നാലാമന്‍ ക്രൈസ്തവസഭ വിളിച്ചുചേര്‍ത്ത് ബൈത്തുല്‍ മഖ്ദിസ് തിരിച്ചുപിടിച്ച് ഇസ്‌ലാമികലോകത്തെ നിര്‍വീര്യരാക്കാന്‍ പ്രഭുക്കന്‍മാരെയും രാജാക്കന്‍മാരെയും മതമേധാവികളെയും ആഹ്വാനംചെയ്തു.ഫ്രഞ്ച് രാജാവ് ലൂയി ഒമ്പതാമനും സഹോദരങ്ങളായ റോബര്‍ട്ട്, അല്‍ഫോണ്‍സ്, ചാള്‍സ് തുടങ്ങിയവരും യുദ്ധത്തിന് നേതൃത്വം കൊടുക്കുകയുണ്ടായി. 1248- ല്‍ ഈജിപ്തിലെ ദിംയാത്വ് ലക്ഷ്യമാക്കി ലൂയിയുടെ കപ്പല്‍പട പ്രതികൂലമായ കാലാവസ്ഥയെ തരണംചെയ്ത് തീരമണഞ്ഞു. അവിടത്തെ ദേശവാസികള്‍ പ്രതിരോധമൊന്നുംകൂടാതെ …

Read More »

അബ്ദുല്ലാഹിബ്‌നു സബഇനെക്കുറിച്ച്…

യമനിലെ സ്വന്‍ആഅ് നിവാസിയായ യഹൂദവിശ്വാസിയായിരുന്നു അബ്ദുല്ലാഹിബ്‌നു സബഅ്. മാതാവ് സൗദ. മാതാവിന്റെ പേരിലേക്ക് ചേര്‍ത്ത് ഇബ്‌നുസ്സൗദാഅ് എന്നും അദ്ദേഹം അറിയപ്പെടുന്നുണ്ട്. ഉഥ്മാന്‍ (റ)ന്റെ കാലത്താണ് ഇസ്‌ലാം സ്വീകരിച്ചുവെന്ന് അവകാശപ്പെട്ട് അദ്ദേഹം രംഗത്തുവരുന്നത്. യഥാര്‍ഥത്തില്‍ , മുസ്‌ലിംകള്‍ക്കെതിരെ ഗൂഢാലോചന നടത്താനും ഖിലാഫത്തിനെ അട്ടിമറിക്കാനും മുസ്‌ലിംസമൂഹത്തിനകത്ത് പിഴച്ച വിശ്വാസങ്ങളും ചിന്താഗതികളും പ്രചരിപ്പിക്കുക എന്ന ലക്ഷ്യംവെച്ച് കൂടെക്കൂടിയ മുനാഫിഖായിരുന്നു അയാള്‍ എന്ന് പണ്ഡിതന്‍മാര്‍ ഐകകണ്‌ഠേന അഭിപ്രായപ്പെട്ടിട്ടുണ്ട്. വിവിധമുസ്‌ലിം നാടുകളില്‍ ചുറ്റിസഞ്ചരിച്ച് ജനങ്ങളെ അവിടങ്ങളിലെ ഗവര്‍ണര്‍മാര്‍ക്കെതിരിലും …

Read More »

ആറാം കുരിശുയുദ്ധം(1217-1229)

ജര്‍മനിയുടെ ചക്രവര്‍ത്തിയായി ഫ്രെഡറിക് രണ്ടാമന്‍ 1215 ല്‍ അധികാരത്തിലെത്തുകയും അത് നോര്‍ത്തേണ്‍ ഇറ്റലിയും സിസിലിയും കടന്ന് പ്രവിശാലമാവുകയും ചെയ്തതിനെത്തുടര്‍ന്ന് പോപ്പ് ഹെനോറിയസ് അദ്ദേഹത്തെ കുരിശുയുദ്ധത്തിനായി ഉപയോഗപ്പെടുത്താന്‍ തീരുമാനിച്ചു. ഖുദ്‌സിലെ രാജാവിന്റെ മകളെ ഫ്രെഡറികിനെകൊണ്ട് വിവാഹംചെയ്യിപ്പിക്കാന്‍ പോപ്പ് ചരടുവലി നടത്തി. ഈജിപ്തില്‍ പരാജയം രുചിച്ച ഖുദ്‌സ് രാജാവ് വീണ്ടും പോപ്പിനെ സഹായത്തിനായി സമീപിച്ചു. ഇതുതന്നെ അവസരമെന്ന് കണ്ട് പോപ്പ് സഹായം വാഗ്ദാനംചെയ്യുകയും ഇംഗ്ലണ്ട്, ജര്‍മനി, ആസ്ട്രിയ, ഫ്രാന്‍സ് എന്നിവിടങ്ങളിലെ വിശ്വാസികളെ രംഗത്തിറക്കുകയുംചെയ്തു. …

Read More »

അഞ്ചാം കുരിശുയുദ്ധം(1216-1221)

കുരിശുയുദ്ധങ്ങള്‍ കടുത്ത സാമ്പത്തിക ബാധ്യതയാണ് യൂറോപ്യന്‍രാജ്യങ്ങള്‍ക്ക് ഉണ്ടാക്കിത്തീര്‍ത്തത്. നാലാംകുരിശുയുദ്ധത്തിന്റെ അവമതിയില്‍നിന്ന് രക്ഷപ്പെടാന്‍ പോപ്പ് ഇന്നസെന്റ് മൂന്നാമന്‍ മറ്റൊരു കുരിശുയുദ്ധത്തിന് മുറവിളികൂട്ടി. അഞ്ഞൂറ് സഭാമേധാവികളുള്‍പ്പെടെ വിവിധരാജാക്കന്‍മാരും പ്രഭുക്കന്‍മാരുമുള്‍പ്പെടുന്ന ക്രൈസ്തസഭ വിളിച്ചുകൂട്ടി പോപ്പ് ഫലസ്തീന്‍ ക്രൈസ്തവരനുഭവിക്കുന്ന ‘പീഡന’ങ്ങളെക്കുറിച്ച് വാചാലനായി. എന്നാല്‍ ഇംഗ്ലണ്ടിലെ റിച്ചാര്‍ഡ് രാജാവ് പോപ്പിന്റെ ആഹ്വാനത്തിന് പരിഹാസപൂര്‍വമാണ് പ്രതികരിച്ചത്. ബൈത്തുല്‍മഖ്ദിസ് മോചിപ്പിക്കുക, ഈജിപ്തിനെ കീഴടക്കുക എന്നിവയായിരുന്നു അഞ്ചാംകുരിശുയുദ്ധത്തിന്റെയും ലക്ഷ്യം. കുരിശുപട അക്കായിലേക്ക് തിരിച്ചു. അന്ന് അയ്യൂബി ഈജിപ്ത് ഭരണാധികാരി ആദില്‍ അയ്യൂബ് …

Read More »

നാലാം കുരിശുയുദ്ധം(1200-1204)

സ്വലാഹുദ്ദീന്‍ അയ്യൂബിയുടെ ജൈത്രയാത്ര അവസാനിപ്പിക്കാനും ഈജിപ്ത് തിരിച്ചുപിടിച്ച് ഖുദ്‌സിലേക്ക് മുന്നേറാനും കുരിശുയുദ്ധക്കാര്‍ വീണ്ടും കോപ്പുകൂട്ടി. ഈജിപ്ത് മുസ്‌ലിംകളുടെ കയ്യിലിരിക്കുന്നിടത്തോളം കാലം ക്രൈസ്തവലോകത്തിന്റെ അവസ്ഥ അധോഗതിയായിരിക്കുമെന്ന് പോപ്പ് നേതൃത്വം കൊടുത്ത യൂറോപ് തെറ്റുധരിച്ചു.1198-ല്‍ അന്നത്തെ പോപ്പായ ഇന്നസെന്റ് മൂന്നാമന്‍ ഈജിപ്ത് ലക്ഷ്യമാക്കി പുതിയ കുരിശുയുദ്ധത്തിന് ആഹ്വാനംചെയ്തു. എന്നാല്‍ പടയോട്ടം നടത്തി മുന്നേറിയ പോരാളികള്‍ക്കിടയില്‍ അനൈക്യം മൂര്‍ഛിച്ചതോടെ ലക്ഷ്യംമറന്ന് ഈജിപ്തിനെ ആക്രമിക്കാതെ, കോണ്‍സ്റ്റാന്റിനോപ്ള്‍ കിരീടാവകാശിയായ അലക്‌സിസ് ജൂനിയറിന്റെ അഭ്യര്‍ഥനമാനിച്ച് അയാള്‍ക്കുവേണ്ടി യുദ്ധംചെയ്യാനുള്ള ശ്രമങ്ങളില്‍ …

Read More »

മൂന്നാം കുരിശുയുദ്ധം(1187-92)

1187- ല്‍ സുല്‍ത്ത്വാന്‍ സ്വലാഹുദ്ദീന്‍ അയ്യൂബി ജറൂസലം പിടിച്ചെടുത്തതിന്റെ നഷ്ടബോധമാണ് മൂന്നാം കുരിശുയുദ്ധത്തിന്റെ പ്രചോദനം. വീണ്ടും മുസ്‌ലിംലോകവുമായി ഒരു യുദ്ധത്തിന് ജര്‍മന്‍ചക്രവര്‍ത്തി ഫ്രെഡറിക് ബാര്‍ബര്‍റൗസ്, ഫ്രാന്‍സിലെ രാജാവ് ഫിലിപ് അഗസ്‌തെ, ഇംഗ്ലണ്ടിലെ സിംഹഹൃദയന്‍ റിച്ചാര്‍ഡ് തുടങ്ങിയ രാജാക്കന്‍മാര്‍ അണിനിരന്നുവെന്നത് ഇതിലെ പ്രത്യേകതയാണ്.1189 ഏപ്രില്‍ 23 ന് അര്‍മീനിയന്‍ പര്‍വതനിരയിലെ താര്‍സസില്‍ പുഴയില്‍വീണ് സൈന്യാധിപന്‍ ഫ്രെഡറിക് മുങ്ങിമരിച്ചത് ജര്‍മന്‍സേനയുടെ മനോവീര്യം നഷ്ടപ്പെടുത്തി. അതോടെ അവര്‍ തിരിച്ചുപോയി. ഇംഗ്ലീഷ് -ഫ്രഞ്ച് കുരിശുപോരാളികള്‍ സിസിലിയില്‍ …

Read More »

രണ്ടാം കുരിശുയുദ്ധം (1147 – 1150)

1144 ല്‍ ക്രൈസ്തവരാജ്യത്തിന്റെ മുഖ്യകേന്ദ്രമായ റൂഹാ പട്ടണം സല്‍ജൂഖി ഭരണാധികാരിയായ ഇമാദുദ്ദീന്‍ സെന്‍ഗി നിയന്ത്രണത്തിലാക്കി. ഈ നഷ്ടം ക്രൈസ്തവസമൂഹത്തെ അലോസരപ്പെടുത്തി. മുസ്‌ലിംകള്‍ക്കെതിരില്‍ പോരാടാന്‍ ആഹ്വാനംചെയ്തുകൊണ്ട് സിറിയന്‍ പ്രദേശത്തെ മുഴുവന്‍ കുരിശുപോരാളികള്‍ക്കും ജോസ്‌ലിന്‍ കത്തെഴുതി. ഇതിനിടയില്‍ ഇമാദുദ്ദീന്‍ സെന്‍ഗി മരണപ്പെട്ടിരുന്നു. അദ്ദേഹത്തിന്റെ പുത്രന്‍ നൂറുദ്ദീന്‍ സെന്‍ഗിയാണ് തുടര്‍ന്ന് നേതൃത്വത്തില്‍ വന്നത്. അദ്ദേഹം ജോസ്‌ലിനെ 1146-ല്‍ പരാജയപ്പെടുത്തി.നൂറുദ്ദീന്‍ സെന്‍ഗിയുടെ വിജയം കിഴക്ക് അവശേഷിക്കുന്ന തങ്ങളുടെ ആധിപത്യംകൂടി നഷ്ടപ്പെടുത്തുമോ എന്ന് ക്രൈസ്തവര്‍ ആശങ്കിച്ചു. അവര്‍ …

Read More »

മാല്‍കം എക്‌സ് നമ്മെ പഠിപ്പിക്കുന്നത്

അമേരിക്കയിലെ കറുത്തവര്‍ഗക്കാരുടെ പോരാട്ടചരിത്രത്തില്‍ തങ്കലിപികളാല്‍ ആലേഖനംചെയ്യപ്പെട്ട വ്യക്തിയാണ് മാല്‍കം എക്‌സ്. ആഫ്രോ-അമേരിക്കക്കാരുടെയും അമേരിക്കന്‍മുസ്‌ലിംകളുടെയും മാത്രമല്ല, എല്ലാ അമേരിക്കക്കാരുടെയും സ്വാതന്ത്ര്യത്തിന്റെയും മനുഷ്യാവകാശങ്ങളുടെയും ആരാധനാമൂര്‍ത്തിയായിരുന്നു അദ്ദേഹം. അദ്ദേഹത്തിന്റെ വ്യക്തിത്വത്തെക്കുറിച്ച ചില നിരീക്ഷണങ്ങള്‍ സമര്‍പിക്കുകയാണ് ഈ കുറിപ്പിന്റെ ഉദ്ദേശ്യം. മാല്‍കം എക്‌സ് അമേരിക്കന്‍ രാഷ്ട്രീയത്തിലും സാമൂഹികജീവിതത്തിലും ഉണ്ടാക്കിയ പ്രഭാവത്തെക്കുറിച്ച് ഞാന്‍ വിവരിക്കാനുദ്ദേശിക്കുന്നില്ല. അതേസമയം ആഫ്രോഅമേരിക്കന്‍ സമൂഹത്തിനകത്ത് മുസ്‌ലിംകളുടെ സവിശേഷമായ പോരാട്ടങ്ങള്‍ അമേരിക്കന്‍ ചരിത്രത്തിലെ അവിസ്മരണീയങ്ങളായ ഏടുകളാണെന്നത് നാം പ്രത്യേകം പഠിക്കേണ്ടതുണ്ട്. കഥകള്‍ സര്‍വപ്രധാനം കാര്യങ്ങള്‍ …

Read More »