|
ബുധന്, 19 ജൂണ് 2013 04:48 |
|
 ന്യൂഡെല്ഹി: വരാനിരിക്കുന്ന അസംബ്ലി ഇലക്ഷന് മുന്നില് കണ്ടുകൊണ്ട് ബിജെപി മൈനോറിറ്റി സെല് മുസ് ലിംവോട്ടര്മാരെ പ്രീണിപ്പിക്കാന് രംഗത്തിറങ്ങിയിരിക്കുന്നു. അതിന്റെ ഭാഗമായി പുതിയ മുദ്രാവാക്യവുമായി ദല്ഹിയില് പാര്ട്ടി രംഗത്തുവന്നു.' ജൊ മുസല്മാന് കാ വികാസ് കരേഗാ, വൊഹി ദേശ് പര് രാജ് കരേഗാ'...(മുസ് ലിംകളുടെ പുരോഗതിക്കായി ആര് പണിയെടുക്കുന്നുവോ, അവര് രാജ്യം ഭരിക്കും) എന്നു പറഞ്ഞുകൊണ്ട് പാര്ട്ടി സംസ്ഥാനപ്രസിഡണ്ട് വിജയ് ഗോയലിന്റെ പിന്തുണയോടെയാണ് മൈനോറിറ്റി സെല് പള്ളികളിലും മദ്റസകളിലും മുസ്ലിം ഗല്ലികളിലും ലഘുലേഖകളും നോട്ടീസുകളും വിതരണം ചെയ്തുകൊണ്ടിരിക്കുന്നത്.
|
അഹമ്മദാബാദ്: ഇസ്രത്ത് ജഹാനുള്പ്പെടെ നാലു പേര് കൊല്ലപ്പെട്ട വ്യാജ ഏറ്റുമുട്ടല് കേസില് കുറ്റപത്രം ജൂലൈ നാലിന് മുന്പ് സമര്പ്പിക്കണമെന്ന് ഗുജ്റാത്ത് ഹൈക്കോടതി സിബിഐയോട് ആവശ്യപ്പെട്ടു.
മുംബൈ: മരണക്കിടക്കയിലുള്ള മാതാവിനെകാണാന് പതിനായിരം രൂപ കോടതിയില് കെട്ടിവെക്കണം മകനോട് കോടതി. 2006ലെ മുംബൈ ട്രെയിന് ആക്രമണക്കേസില് പ്രതി ചേര്ക്കപ്പെട്ട മുഹമ്മദ് സാജിദ് അന്സാരിക്കാണ് ഈ ദുര്വ്വിധി. മോക്ക നിയമ പ്രകാരമാണ് അന്സാരി അറസ്റ്റ് ചെയ്യപ്പെട്ടത്. മോക്കാ നിയമ പ്രകാരം ജാമ്യത്തിന് വകുപ്പില്ലെന്ന് പറഞ്ഞാണ് വൈ.ഡി. ഷിന്ഡേ അദ്ദേഹത്തിന് ജാമ്യം നിഷേധിച്ചത്. എന്നാല് പതിനായിരം രൂപ കോടതിയില് കെട്ടിവെച്ചാല് ആറുമണിക്കൂറിനകം തിരിച്ചെത്തണമെന്ന നിബന്ധനയില്, ഉമ്മയെ ചികിത്സിക്കുന്ന ആശുപത്രിയില് സന്ദര്ശിക്കാമെന്ന ഇളവ് കോടതി നല്കി.
ന്യൂഡല്ഹി: ഇശ്റത് ജഹാന് വ്യാജ ഏറ്റുമുട്ടല് കേസില് ഇന്റലിജന്സ് ബ്യൂറോ സ്പെഷ്യല് ഡയറക്ടര് രാജേന്ദ്ര കുമാറിനെ സി.ബി.ഐ. ഇന്നു ചോദ്യംചെയ്യും. രാജേന്ദ്ര കുമാറിന് ഏറ്റുമുട്ടല് ഗൂഢാലോചനയില് പങ്കുണ്ടെന്നതിന് സിബി.ഐക്ക് തെളിവു ലഭിച്ചതിന്റെ അടിസ്ഥാനത്തില് നേരത്തേ ഇദ്ദേഹത്തെ ചോദ്യംചെയ്തിരുന്നു. ഏറ്റുമുട്ടലിലേക്കു നയിച്ച ഐ.ബി. സന്ദേശം സത്യമായിരുന്നെന്നും താന് ഏറ്റുമുട്ടലില് നേരിട്ട് പങ്കെടുത്തിട്ടില്ലെന്നും ചോദ്യംചെയ്യലില് അദ്ദേഹം മൊഴികൊടുത്തിരുന്നു.
പാട്ന-ബിഹാര് മുഖ്യമന്ത്രി നിതീഷ്കുമാര് ബി.ജെ.പി യുമായുള്ള സഖ്യം പിന്വലിച്ചതില് അഭിനന്ദനം അറിയിച്ച് പാട്നയില് ബിഹാര് മുസ്ലിംകള് പ്രകടനം നടത്തി 'പസ്മണ്ട മുസ്ലിം മഹാജ'് എന്ന സംഘടനയാണ് പ്രകടനം സംഘടിപ്പിച്ചത്.